Home / Sports / چیمپیئنز ٹرافی جیت کر قوم کو عید کا تحفہ دیں گے‘ سرفرازاحمد

چیمپیئنز ٹرافی جیت کر قوم کو عید کا تحفہ دیں گے‘ سرفرازاحمد

لندن: پاکستانی ٹیم کے کپتان سرفراز احمد کاکہناہے کہ پاکستانی ٹیم چیمپیئنز ٹرافی جیت کر قوم کو عید کا تحفہ دینے کی پوری کوشش کرے گے۔

تفصیلات کےمطابق میڈیا سےگفتگو کرتےہوئے سرفراز احمد نے کہا کہ وارم اپ میچ دونوں ٹیموں کےلیے ایونٹ کی تیاری کا اچھا موقع ہو گا۔انہوں نےکہاکہ بنگلہ دیش کی ٹیم میں گزشتہ تین سال کے دوران بہت بہتری آئی ہے اور ان کی ٹیم چند بہترین بلے بازوں پر مشتمل ہے جس کی بدولت ہمیں ان کے خلاف وارم اپ میچ سے بھرپور پریکٹس کا موقع ملے گا۔

بنگلہ دیش سے سیمی فائنل کے سوال پر سرفراز نے کہا کہ اگر ہمارا سیمی فائنل میں ان سے سامنا ہوا تو حریف ٹیم کی بیٹنگ لائن پر توجہ دیں گےکیونکہ ان کی ٹیم میں محموداللہ، شکیب الحسن، تمیم اقبال اور مشفیق الرحیم کی شکل میں چند بہترین بلے باز موجود ہیں اور اگر ہمارا سیمی فائنل میں ان سے سامنا ہوا اس پر کام کریں گے۔

سرفراز احمد نے کہا کہ یہ بحیثت کپتان میرا پہلا آئی سی سی ٹورنامنٹ ہے اس لیے میں ٹیم کی بہترین کارکردگی کےلیے بہت پرجوش ہوں۔

قومی ٹیم کے کپتان کا کہنا تھا کہ ہم اس وقت عالمی درجہ بندی میں آٹھویں نمبر پر موجود ہیں لہٰذا ہمارے پاس اس وقت گنوانے کو کچھ بھی نہیں ہے اور میں نے کھلاڑیوں سے کہا ہے کہ وہ اپنا قدرتی کھیل پیش کرتے ہوئے مثبت کرکٹ کھیلنے پر توجہ دیں۔

سرفرازاحمد نے کہا کہ ویسٹ انڈیز میں ہم نے تمام شعبوں میں بہت اچھی کارکردگی کا مظاہرہ کیا، وہاں ہماری فیلڈنگ بھی بہت معیاری رہی اور ہم بہترین کارکردگی دکھاتے ہوئے چیمپیئنزٹرافی جیتنے کی کوشش کریں گے۔

واضح رہےکہ بھارت کے خلاف چار جون کو ہونے والے میچ کے بارے میں سوال پر سرفراز نے کہا کہ ہماری کوشش ہو گی کہ انڈیا کے خلاف اچھا پرفارم کریں، پوری قوم کی بھی یہی خواہش ہے کہ ہم ہندوستان کے خلاف میچ میں کامیابی حاصل کریں۔

Check Also

کرس گیل کی انگلینڈ کے خلاف شیڈول تیسرے ایک روزہ بین الاقوامی کرکٹ میچ میں شرکت مشکوک

کرس گیل کی انگلینڈ کے خلاف شیڈول تیسرے ایک روزہ بین الاقوامی کرکٹ میچ میں شرکت مشکوک

لندن: جارح مزاج ویسٹ انڈین اوپننگ بیٹسمین کرس گیل کی فٹنس مسائل کے باعث انگلینڈ …

Translate »