Connect with:

"خبر کی دوڑ میں سب سے آگے"

Translate:
Monday / August 21, 2017 3:18 PM
HomeSportsچیمپئنزٹرافی: انگلینڈ نےنیوزی لینڈ کوشکست دے کرسیمی فائنل میں جگہ بنالی

چیمپئنزٹرافی: انگلینڈ نےنیوزی لینڈ کوشکست دے کرسیمی فائنل میں جگہ بنالی

کارڈف: آئی سی سی چیمپئنز ٹرافی کے گروپ اےکے میچ میں انگلینڈ نے نیوزی لینڈ کو 87رنز سے ہراکر سیمی فائنل کے لیے کوالیفائی کرلیا۔

تفصیلات کےمطابق کارڈف میں کھیلے گئے گروپ اے کے اہم میچ میں نیوزی لینڈ نےٹاس جیت کرانگلینڈ کو بیٹنگ کی دعوت دی تھی۔انگلینڈ نے پہلے کھیلتے ہوئے 49.3 اوورز میں 310 رنز بنائے۔

انگلینڈ کی جانب سے بٹلر 61 رنز بنا کر ناٹ آؤٹ رہے۔ روٹ 64، ہیلز 56 اورا سٹوکس 48 رنز بنا کر آؤٹ ہوئے۔ نیوزی لینڈ کی طرف سے اینڈرسن اور ملن نے تین تین وکٹیں حاصل کی ہیں۔

میزبان ٹیم کی جانب سے دیے گئے ہدف کے تعاقب میں لیوک رونچی گولڈن ڈک پر آؤٹ ہو کر اپنی ٹیم کو مشکلات کا شکار کر گئے البتہ کین ولیمسن اور مارٹن گپٹل نے 62 رنز کی ساجھے داری قائم کر کے ابتدائی نقصان کا ازالہ کرنے کی کوشش کی۔

مارٹن گپٹل کے پویلین لوٹنے کے بعد روس ٹیلر میدان میں اترے اور کپتان کے ساتھ 95 رنز جوڑ کر ہدف تک رسائی کی راہ ہموار کرنے کی کوشش کی لیکن اسی اسکور پر مارک وڈ نے 87 رنز کی اننگز کھیلنے والے کیوی کپتان کی اننگز کا خاتمہ کر کے نیوزی لینڈ کو بڑا نقصان پہنچایا۔

ولیمسن کے آؤٹ ہونے کے بعد 10 رنز کے اضافے سے ٹیلر بھی پویلین لوٹ گئے جس کے بعد نیوزی لینڈ کی ٹیم سنبھل نہ سکی اور وقفے وقفے سے وکٹیں گنواتے ہوئے پوری ٹیم 223 رنز پر پویلین لوٹ گئی۔

انگلینڈ کی جانب سے لیام پلنکٹ نے چار وکٹیں لیں لیکن آٹھ اوورز میں دو میڈن سمیت 31 رنز کے عوض دو وکٹیں لینے والے جیک بال کو میچ کا بہترین کھلاڑی قرار دیا گیا۔

واضح رہےکہ انگلینڈ نے چیمپیئنز ٹرافی کے پہلے میچ میں بنگہ دیش کو آٹھ وکٹوں سے شکست دی تھی جبکہ نیوزی لینڈ اورآسٹریلیا کے کا میچ بارش کی وجہ سے بے نتیجہ رہا تھا۔

Share

No comments

Sorry, the comment form is closed at this time.