Home / Pakistan / چوہدری نثار علی کمر کی تکلیف کا شکار ہوگئے۔

چوہدری نثار علی کمر کی تکلیف کا شکار ہوگئے۔

اسلام آباد: وفاقی وزیر داخلہ چوہدری نثار علی کمر کی تکلیف کا شکار ہوگئے۔ ڈاکٹروں کی جانب سے کچھ روز آرام کے مشورے کے بعد وزیر داخلہ نے اپنی تمام تر مصروفیات منسوخ کردی ہیں۔

ذرائع کا کہنا ہے کہ چوہدری نثار گزشتہ کئی روز سے کمر درد کی تکلیف میں مبتلا تھے تاہم آج ان کی تکلیف بڑھ گئی جس کے بعد وہ دفتر سے گھر چلے گئے۔

ڈاکٹروں نے ان کا چیک اپ کرنے کے بعد انہیں مکمل آرام کا مشورہ دیا ہے جس کے پیش نظر وزیر داخلہ نے اپنی تمام تر مصروفیات منسوخ کردیں ہیں۔

یاد رہے کہ چوہدری نثار کی علالت کی خبریں ایسے وقت میں سامنے آئی ہیں جب مسلم لیگ ن کی مرکزی قیادت سے ان کے اختلاف اور استعفے کی خبریں گردش کر رہی ہیں۔

تاہم گزشتہ روز وزیر مملکت برائے اطلاعات و نشریات مریم اورنگزیب نے ان کے استعفے کی خبروں کی تردید کردی تھی۔

سپریم کورٹ کے باہر میڈیا سے گفتگو کرتے ہوئے ان کا کہنا تھا کہ چوہدری نثار مسلم لیگ ن کے پرانے کارکن ہیں اور ان کے پارٹی چھوڑنے کی خبریں بے بنیاد ہیں۔

   .انہوں نے یہ بھی کہا تھا کہ بہت جلد وزیر داخلہ خود پریس کانفرنس کر کے تمام سوالات کے جواب دے دیں گے

Check Also

یوم عاشور پر شہر قائد میں موٹرسائیکل کی ڈبل سواری پر پابندی عائد

یوم عاشور پر شہر قائد میں موٹرسائیکل کی ڈبل سواری پر پابندی عائد

یوم عاشور کے سلسلے میں شہر قائد میں موٹرسائیکل کی ڈبل سواری پر پابندی عائد …

Translate »