Home / Pakistan / Punjab / پنجاب میں بارشوں سےتباہی،10 ہلاک،100سے زائد زخمی

پنجاب میں بارشوں سےتباہی،10 ہلاک،100سے زائد زخمی

لاہور: پنجاب بھر میں ہونیوالی موسلا دھار طوفانی بارشوں نے تباہی مچا دی۔ مختلف حادثات میں دس افراد زندگی سے محروم جبکہ سو سے زائد افراد زخمی ہوگئے۔

تفصیلات کے مطابق مختلف شہروں میں بارشوں کے بعد نظام زندگی معطل ہو کر رہ گیا۔ کئی شہروں میں سڑکوں، گلیوں اور بازاروں میں پانی جمع ہو گیا۔ پنجاب بھر میں موسلا دھار طوفانی بارشوں نے تباہی مچا دی۔

لاہور رائیونڈ روڈ پرگودام کی چھت گرنےسےتین افراد ہلاک ہوگئے۔ مرنےوالوں میں حنیف مسیح ،سنیل مسیح اور ندیم شامل ہیں، جبکہ ایک زخمی مرتضی کی حالت نازک بتائی جا رہی ہے۔ لاہورگرین ٹاؤن میں مکان کی چھت گرنےسے سات افراد زخمی ہوئے۔

جھنگ میں بارش کے باعث دیواریں اورچھتیں گرنے سےپانچ افراد جان کی بازی ہار بیٹھے۔ تین خواتین سمیت چھ افراد زخمی ہوئے۔ بہاولپور میں بارشوں کےباعث حادثات میں دوسنیٹری ورکرہلاک اور سات زخمی ہوگئے۔

بائی پاس کے قریب بارش سےکار ٹریکٹر ٹرالی سے ٹکرا گئی۔ تین افراد شدید زخمی ہوگئے، ڈیزرٹ کینال میں اوور فلو کی وجہ سے شگاف پڑگئے۔

رنگ پور میں سڑکیں اورگلیاں تالاب کامنظر پیش کرنےلگیں، رات گئے ہونیوالی بارش اور آندھی سےکئی گھروں کی دیواریں گر گئیں۔ دنیا پور میں گلیوں اوربازاروں میں گھٹنوں گھٹنوں پانی جمع ہوگیا۔ شہری گھروں میں محصور ہوکر رہ گئے۔

ڈی جی خان میں چھتیں گرنےسے تیئس افراد زخمی ہوئے۔ راجن پورمیں کوہ سلیمان پر بارشوں سے ندی نالوں میں طغیانی آگئی جس سےنشیبی علاقے زیر آب آنے کا خدشہ پیدا ہوگیا۔ میاں چنوں میں بارش کےدوران دیوارگرنے سے تین خواتین سمیت چارافراد زخمی ہوگئے۔

اس کے علاوہ نارووال، صادق آباد، چشتیاں، جہانیاں، سیالکوٹ اور دوسرے شہروں میں بھی سڑکیں اورگلیاں ندی نالے کا منظر پیش کررہی ہیں۔

Check Also

پنجاب کے دارالحکومت لاہور میں تیزہواؤں کے ساتھ ہونے والی موسلا دھار بارش سے موسم سہانا

پنجاب کے دارالحکومت لاہور میں تیزہواؤں کے ساتھ ہونے والی موسلا دھار بارش سے موسم سہانا

لاہور: پنجاب کے دارالحکومت لاہور میں تیزہواؤں کے ساتھ ہونے والی موسلا دھار بارش سے …

Translate »