Connect with:

"خبر کی دوڑ میں سب سے آگے"

Translate:
Sunday / July 23, 2017 3:41 PM
HomeGossipپاکستانی ڈراموں کی تعریف: انتہا پسندوں کے ڈر سے پاریش راول نے بیان بدل دیا

پاکستانی ڈراموں کی تعریف: انتہا پسندوں کے ڈر سے پاریش راول نے بیان بدل دیا

معروف بالی ووڈ اداکار پاریش راول نے پاکستانی اور بھارتی ڈراموں کے تقابل میں دیا گیا اپنا بیان بدلتے ہوئے کہا ہے کہ انہوں نے کبھی بھی پاکستانی انڈسٹری میں کام کرنے کی خواہش کا اظہار نہیں کیا۔

ایک بھارتی اخبار کو دیے گئے انٹرویو میں پاریش راول نے اپنے بیان سے مکرتے ہوئے کہا کہ ان کے بیان کو توڑ مروڑ کر پیش کیا گیا ہے۔

یاد رہے کہ اس سے قبل پاریش راول کا کہنا تھا کہ بھارتی شوز بہت بیزار کن ہوتے ہیں، ان کے مقابلے میں پاکستان ڈرامے اور فلمیں ہزار درجے بہتر ہوتی ہیں اور وہ ان میں کام کرنا چاہتے ہیں۔

تاہم اب ان کا کہنا ہے کہ انہوں نے صرف ایک پاکستانی ڈرامے کی تعریف کی تھی، اور یہ کہا تھا کہ بھارتی شوز بہت سست روی سے چلتے ہیں۔ اس کے مقابلے میں انہوں نے پاکستانی ڈراموں کی تعریف ہرگز نہیں کی۔

اب پاریش راول کے اس یوٹرن کی وجہ اندرون خانہ انتہا پسندوں کی جانب سے ملنے والی دھمکیاں ہیں، یا انہیں کسی اور بات کا خوف ہے یہ تو وقت آنے پر ہی علم ہوسکے گا۔

Share

No comments

Sorry, the comment form is closed at this time.