Home / Pakistan / پانامہ کیس کی جے آئی ٹی متنازعہ بن چکی ہے، رانا ثناء اللہ

پانامہ کیس کی جے آئی ٹی متنازعہ بن چکی ہے، رانا ثناء اللہ

لاہور : مسلم لیگ ن کے رہنما اور صوبائی وزیر قانون رانا ثناء اللہ نے کہا ہے کہ پانامہ کیس کی جے آئی ٹی متنازعہ بن چکی ہے۔ اس پر اٹھنے والے کسی سوال کا جواب نہیں دیا گیا اس کو فیصلہ کا اختیار حاصل نہیں۔ شیخ رشید سے متعلق ان کا کہنا تھا کہ ان پر کوئی حملہ نہیں ہوا۔

ان خیالات کا اظہار انہوں نے پنجاب اسمبلی کے باہر میڈیا سے گفتگو کرتے ہوئے کیا۔ راناثناءاللہ نے مزید کہا کہ جے آئی ٹی کی انکوائری سے ملک کا مستقبل وابستہ ہے مگرجے آئی ٹی کوئی فیصلہ دینے کی مجاز نہیں، فیصلہ دینے کا اختیار صرف سپریم کورٹ کو ہے۔

انہوں نے کہا کہ جے آئی ٹی خود متنازعہ بن چکی ہے جے آئی ٹی کو ہم نے متنازعہ نہیں بنایا بلکہ اس کا طریقہ کار رولز کے مطابق نہیں اور اس کے ممبران کے خلاف بھی اعتراضات موجود ہیں۔

شیخ رشید کے حوالے سے رانا ثناءاللہ نے کہا کہ شیخ رشید ٹھگ ہے اوروہ متاثرہ شخص کے پیسے نہیں دینا چاہتا تھا۔ شیخ رشید پر کوئی حملہ نہیں ہوا۔

Check Also

یوم عاشور پر شہر قائد میں موٹرسائیکل کی ڈبل سواری پر پابندی عائد

یوم عاشور پر شہر قائد میں موٹرسائیکل کی ڈبل سواری پر پابندی عائد

یوم عاشور کے سلسلے میں شہر قائد میں موٹرسائیکل کی ڈبل سواری پر پابندی عائد …

Translate »