Connect with:

"خبر کی دوڑ میں سب سے آگے"

Translate:
Thursday / August 17, 2017 12:54 PM
HomeSportsٹخنے کی انجری : فاسٹ بولر وہاب ریاض چیمپیئنز ٹرافی سے باہر

ٹخنے کی انجری : فاسٹ بولر وہاب ریاض چیمپیئنز ٹرافی سے باہر

برمنگھم : پاکستانی ٹیم فاسٹ بولر وہاب ریاض ٹخنے کی انجری کے باعث چیمپیئنز ٹرافی سے باہر ہوگئے۔ محمد عباس اور رومان رئیس متبادل کھلاڑی ہوسکتے ہیں۔

تفصیلات کے مطابق گزشتہ روز بھارت کے خلاف میچ میں ان فٹ ہونے والے بالر وہاب ریاض چیمپیئنز ٹرافی سے باہر ہوگئے۔ وہاب بولنگ کے دوران ان فٹ ہوئے تھے۔

ٹخنے میں انجری کے باعث انہیں اسکین کیلئے اسپتال لےجایاگیا، ڈاکٹرز کے مطابق وہاب کو مکمل صحتیاب ہونے میں دو ہفتے لگیں گے۔ پاک بھارت سے قبل بھی وہاب ریاض ہیمسٹرنگ انجری کا شکار ہو گئے تھے۔

وہاب ریاض کی جگہ محمد عباس یا رومان رئیس کو چیمپیئنز ٹرافی کے اسکواڈ میں شامل کیےجانے کاامکان ہے۔ پی سی بی نے متبادل کھلاڑی کیلئے آئی سی سی کی ٹیکنیکل کمیٹی کو درخواست دے دی ہے۔

یاد رہے کہ قومی ٹیم کے ہیڈ کوچ مکی آرتھر نے کہا تھا کہ فاسٹ باؤلر وہاب ریاض ہمارا اہم ہتھیار ہے، ان کا کہنا تھا کہ پاکستان کے پاس ایسے باؤلرز موجود ہیں جو اپنی عمدہ باؤلنگ اور سوئنگ کی خصوصیات کے ساتھ مخالف ٹیم کو پریشان کرتے ہوئے حقیقی طور پر تباہی مچا سکتے ہیں۔

Share

No comments

Sorry, the comment form is closed at this time.