Connect with:

"خبر کی دوڑ میں سب سے آگے"

Translate:
Thursday / August 17, 2017 12:58 PM
HomePakistanنواز شریف نااہل: پاناما کیس کا فیصلہ عالمی میڈیا کی توجہ کا مرکز

نواز شریف نااہل: پاناما کیس کا فیصلہ عالمی میڈیا کی توجہ کا مرکز

نواز شریف نااہل: پاناما کیس کا فیصلہ عالمی میڈیا کی توجہ کا مرکز

اسلام آباد: پاکستان میں پاناما کیس کا تاریخ ساز فیصلہ دنیا بھر میں بھی توجہ کا مرکز بنا رہا۔ عالمی میڈیا نے فیصلے کو بریکنگ نیوز کے طور پر نشر کیا۔

تفصیلات کے مطابق پاناما کیس کے حتمی فیصلے کے متعلق سپریم کورٹ کے فیصلے کی گونج عالمی میڈیا میں بھی سنائی دی۔
برطانوی نشریاتی ادارے بی بی سی نے فیصلے کو براہ راست نشر کرتے ہوئے کہا کہ سپریم کورٹ نے متفقہ فیصلے میں وزیر اعظم نواز شریف کو نا اہل قرار دے دیا۔
برطانوی اخبار دی انڈیپینڈنٹ نے خبر دی کہ کرپشن الزامات پر وزیر اعظم نواز شریف کو سپریم کورٹ نے نا اہل کردیا۔
رائٹرز نے رپورٹ کیا کہ خاندانی دولت کے بارے میں کیس میں وزیر اعظم نواز شریف عہدے سے برطرف کردیے گئے۔
ٹیلی گراف نے بریکنگ نیوز نشر کی کہ پاکستان کی عدالت نے وزیر اعظم کو نا اہل قرار دے دیا۔
نیویارک ٹائمز کا کہنا تھا کہ پاکستان کے وزیر اعظم نواز شریف کو عہدے سے فارغ کردیا گیا۔
بلوم برگ نے پاناما فیصلے کی خبر میں کہا کہ پاکستانی عدالت نے کرپشن پر وزیر اعظم کو مستعفی ہونے کا حکم دے دیا۔
جرمنی کے ڈی ڈبلیو نے رپورٹ کیا کہ پاکستانی عدالت نے نواز شریف کو ہٹا دیا۔
الجزیرہ اور خلیج ٹائمز نے بھی نواز شریف کی نا اہلی کی خبر فوری طور پر دی۔
بھارت میں بھی اس خبر کو بریکنگ نیوز کے طور پر نشر کیا گیا اور بھارتی چینلز نیوز ایٹین اور زی نیوز سمیت دیگر چینلز نے نواز شریف کی نا اہلی کو تمام خبریں روک کر بار بار نشر کیا۔

 

Share

No comments

Sorry, the comment form is closed at this time.