Home / International / ممبئی میں رہائشی عمارت گرنے سے ہلاکتیں 17 ہوگئیں، شیو سینا رہنما گرفتار

ممبئی میں رہائشی عمارت گرنے سے ہلاکتیں 17 ہوگئیں، شیو سینا رہنما گرفتار

ممبئی میں کثیرالمنزلہ عمارت گرنے کے باعث ہلاکتوں کی تعداد 17 ہوگئی جب کہ پولیس نے مکینوں کی درخواست پر مقدمہ درج کرتے ہوئے شیو سینا کے رہنما کو گرفتار کرلیا۔

گزشتہ روز ممبئی میں سدھی سائی کوآپریٹنگ ہاؤسنگ سوسائٹی کی کثیرالمنزلہ عمارت گر گئی تھی جس میں ہلاکتوں کی تعداد 17 ہوگئی جس کے بعد پولیس نے رہائشیوں کی درخواست پر عمارت گرنے کا سبب بننے والے شیو سینا کے رکن سنیل شیتپ کو گرفتار کرلیا۔
رہائشیوں کے مطابق عمارت کا گراؤنڈ فلور شیو سینا کے رہنما سنیل شیٹپ کے پاس تھا جہاں اس نے نرسنگ ہوم کھولا ہوا تھا جب کہ چند روز سے وہاں تزین و آرائش کا کام جاری تھا ، مکینوں کے مطابق عمارت کی بنیادیں کمزور تھیں اور تزین و آرائش کے کام کی وجہ سے عمارت گر گئی۔
دوسری جانب پولیس نے سنیل شیٹپ کو حراست میں لیتے ہوئے تین مختلف دفعات کے تحت مقدمہ درج کرلیا جب کہ منہدم عمارت میں سے زخمی حالت میں نکالے جانے والے 28 میں 17 افراد دم توڑ گئے اور اب بھی جائے وقوعہ پر ریسکیو آپریشن جاری ہے۔

Check Also

جاپان کے وزیراعظم شنزو ایبے نے پارلیمنٹ کو تحلیل کرڈالا

جاپان کے وزیراعظم شنزو ایبے نے پارلیمنٹ کو تحلیل کرڈالا

ٹوکیو:جاپان کے وزیراعظم شنزو ایبے نے پارلیمنٹ کو تحلیل کردیا جس کے بعد ملک میں …

Translate »