Home / Entertainment / ماہرہ اور رنبیر نیویارک میں ایک ساتھ، مداحوں کی تنقید

ماہرہ اور رنبیر نیویارک میں ایک ساتھ، مداحوں کی تنقید

پاکستانی خوبرو اداکارہ ماہرہ خان اور بالی وڈ کے چاکلیٹ ہیرو رنبیر کپور کی دوستی اور ان دونوں کی حال ہی میں منظر عام پر آنے والی تصاویر مداحوں کی شدید تنقید کا نشانہ بن گئی ہیں۔

ماہرہ خان اور رنبیر کی دوستی کا آغاز دبئی کے گلوبل ٹیچر پرائز گالا سے ہوا اور اس کے چرچے سوشل میڈیا پر بھی خوب ہوئے لیکن دونوں نے اپنے کسی بھی قسم کے تعلق کی تردید کی۔
لیکن اس مرتبہ رنبیر اور ماہرہ نیو یارک میں ایک ساتھ دکھائی دیے ہیں جس کی تصویر سوشل میڈیا پر سامنے آئی۔ تصویر سے بظاہر یہ معلوم ہوتا ہے کہ دونوں کی دوستی خاصی گہری ہے۔
سفید لباس پہنے ماہرہ اور ان کے ساتھ موجود رنبیر سگریٹ نوشی کرتے نظر آتے ہیں۔ اس تصویر کے سامنے آنے کے بعد مداحوں نے ماہرہ کو شدید نتقید کا نشانہ بنایا اور ناپسندیدگی کا اظہار کیا۔
انسٹاگرام اور فیس بک پر متعدد مداحوں نے تبصرہ کرتے ہوئے لکھا کہ ماہرہ نے انہیں مایوس کیا، ان سے ان چیزوں کی توقع نہیں تھی۔
فی الحال ماہرہ خان اور رنبیر کی جانب سے مداحوں کو کوئی جواب نہیں دیا گیا ہے۔
ان تصاویروں سے بظاہر ایسا معلوم ہوتا ہے کہ یہ چند ماہ قبل لی گئی ہیں جب سنجے دت کی زندگی پر بننے والی فلم میں نوجوانی کا کردار فلمایا جارہا تھا۔
دوسری جانب لیجنڈری اداکار رشی کپور نے بھی مداحوں کی تنقید کے جواب میں کہا ہے کہ میرا بیٹا جوان اور غیرشادی شدہ ہے لہذا کسی سے بھی مل سکتا ہے اور لوگوں کو اس کی پرائیویسی کا خیال رکھنا چاہئے۔
خیال رہے کے ماہرہ خان فلم رئیس میں شاہ رخ خان مدمقابل بالی وڈ میں اپنا ڈبیو کر چکی ہیں ۔

Check Also

بالی وڈ اداکار امیتابھ بچن اور ان کی بہو ایشوریا پر پاناما پیپرز کا کیس عائدکیس

بالی وڈ اداکار امیتابھ بچن اور ان کی بہو ایشوریا پر پاناما پیپرز کا کیس عائدکیس

ممبئی: پاناما پیپرز معاملے میں بالی وڈ اداکار امیتابھ بچن اور ان کی بہو ایشوریا …

Translate »