Home / International / لندن:گرینفل ٹاورمیں آتشزدگی‘ 58 ہلاکتوں کا خدشہ

لندن:گرینفل ٹاورمیں آتشزدگی‘ 58 ہلاکتوں کا خدشہ

لندن: لندن پولیس کے چیف اسٹورٹ کونڈی نے خدشہ ظاہر کیا ہے کہ گرینفل ٹاورمیں لگنے والی آگ کےنتیجے میں 58 لاپتہ افراد ہلاک ہوگئے ہیں۔

تفصیلات کےمطابق لندن پولیس چیف اسٹورٹ کونڈی کا کہنا ہےکہ آتشزدگی کے وقت گرینفل ٹاور میں کتنے افراد موجود تھے اور ہم تاحال یہ کہنے سے قاصر ہیں کہ وہ محفوظ ہیں یا وہ کس حال میں ہیں۔

انہوں نے کہاکہ ہمیں بتایا گیا ہے کہ اس رات ٹاور میں موجود 58 افراد جو بدقسمتی سے لاپتہ ہیں اور میرااندازہ ہے کہ وہ ہلاک ہوگئے ہیں۔

پولیس چیف کا کہنا تھا کہ اب تک ہلاکتوں کی تعداد 30 ہے۔انہوں نے کہا کہ ‘ہم اس معاملے کی کریمنل حوالے سے بھی تفتیش کررہے ہیں۔

واضح رہے کہ چار روز قبل مغربی لندن کے علاقے میں واقع رہائشی عمارت میں آتشزدگی کا واقعہ پیش آیا تھا جہاں ہلاکتوں کی تعداد مختلف بتائی جارہی تھیں جبکہ اطلاعات کے مطابق 120 رہائشی فلیٹس میں 600 سے800 افراد رہائش پذیر تھے۔

Check Also

جاپان کے وزیراعظم شنزو ایبے نے پارلیمنٹ کو تحلیل کرڈالا

جاپان کے وزیراعظم شنزو ایبے نے پارلیمنٹ کو تحلیل کرڈالا

ٹوکیو:جاپان کے وزیراعظم شنزو ایبے نے پارلیمنٹ کو تحلیل کردیا جس کے بعد ملک میں …

Translate »