Home / Tech / فیس بک کے لیے ڈیزائن کردہ مصنوعی ذہانت کے شاہکار روبوٹ کو سائس دانوں نے بند کردیا

فیس بک کے لیے ڈیزائن کردہ مصنوعی ذہانت کے شاہکار روبوٹ کو سائس دانوں نے بند کردیا

فیس بک کے لیے ڈیزائن کردہ مصنوعی ذہانت کے شاہکار روبوٹ کو سائس دانوں نے بند کردیا ہے اور اس کی وجہ روبوٹ کا اپنی ’لینگوئج از خود تیار کرنا ‘ بتایا جارہا ہے۔

تفصیلات کے مطابق سائسنسدانوں نے محسوس کیا کہ فیس بک کے لیے بنائے جانے والے روبوٹ اپنے خود کے کوڈ تشکیل دے رہا ہے‘ اس خبر کے منظرِ عام پر آتے ہی آرٹیفشل ذہانت سے جڑی تخیلاتی فلمیں گویا حقیقت کا روپ دھار گئی ہیں۔
سائنسدانوں نے جب روبوٹ کی زبان سمجھنے کی کوشش کی تو ابتدا میں وہ انہیں کچھ مہمل الفاظ لگے تاہم مزید تحقیق سے ثابت ہوا کہ بوب اور ایلس نامی روبوٹ آپس میں ایک دوسرے سے از خود رابطہ کررہے ہیں۔
تحقیق کے اندر پیش آنے والے اس خطرنا ک موڑ پر سائنسدانوں کو سمجھ آیا کہ روبوٹ نے انگریزی زبان کا استعمال ترک کرکے ایسی زبان کا استعمال شروع کردیا ہے جسے مصنوعی ذہانت کا حامل دوسرا روبوٹ ہی سمجھ پارہا تھا۔facebook robotڈیجیٹل جرنل نامی سائنسی جریدے کو فراہم کردہ تفصیلات میں سائسنس دانوں نے بتایا کہ
باب نے ایک جملہ کہا جس کے جوان میں ایلس نے بھی ایک جملہ کہا اور ان دونوں جملوں میں گرائمر کے بنیادی قوائد کی غلطی تھی جس کے سبب سائنس داں ایسا سمجھنے پر مجبور ہیں کہ مصنوعی ذہانت کا شاہ کار یہ روبوٹ خود کو درپیش آنے والی مشکلات کا حل نکالنے کے پہلے مرحلے میں داخل ہوچکے ہیں۔
سائنسدانو ں نے یہ روبوٹ اس لیے بنائے تھے کہ مصنوعی ذہانت کے اعلیٰ درجے کے حامل یہ روبوٹ احکامات کو تیزی سے سمجھ کر ان کی تکمیل کرسکیں لیکن وہ ایسی زبان استعمال کرنے لگےجو انسانوں کے لیے ناقابلِ فہم تھیں اور اسی سبب انہیں فی الحال بند کردیا گیا ہے۔

 

Check Also

رواں ماہ کے چاند نے گردش کے دوران تاریخی سفر طے کیا

رواں ماہ کے چاند نے گردش کے دوران تاریخی سفر طے کیا

رواں ماہ کے چاند نے اپنی گردش کے دوران ایسا تاریخی سفر کیا جو ماہرین …

Translate »