Home / Pakistan / غلام قادر تھیبو ایڈیشنل آئی جی کراچی تعینات

غلام قادر تھیبو ایڈیشنل آئی جی کراچی تعینات

کراچی: سندھ پولیس میں بڑے پیمانے پر تقرر و تبادلے کرتے ہوئے غلام قادر تھیبو کو ایڈیشنل آئی جی کراچی تعینات کردیا گیا۔

تفصیلات کے مطابق سندھ حکومت نے ایک بار پھر سندھ پولیس میں بڑے پیمانے پر تقرر و تبادلے کردیے۔

سندھ حکومت نے سردار عبد المجید دستی کو ایڈیشنل انسپکٹر جنرل سندھ پولیس تعینات کردیا ہے۔ غلام قادر تھیبو کو ایڈیشنل آئی جی کراچی تعینات کردیا گیا۔

غلام قادر تھیبو سے قبل مشتاق مہر ایڈیشنل آئی جی کراچی کے عہدے پر کام کر رہے تھے تاہم اب انہیں ایڈیشنل آئی جی ٹریفک تعینات مقرر کردیا گیا ہے۔

یاد رہے کہ سردار عبد المجید دستی کو انسپکٹر جنرل سندھ پولیس بھی مقرر کیا گیا تھا تاہم ان کے پیش رو اللہ ڈنو خواجہ کے عہدے سے سبکدوش ہونے کا معاملہ سندھ ہائیکورٹ میں لے جایا گیا۔ کیس کا فیصلہ عدالت نے محفوظ کرلیا ہے۔

سندھ حکومت کے احکامات کے مطابق خادم حسین بھٹی کو ایڈیشنل آئی جی ریسرچ اینڈ ڈیولپمنٹ، امیر شیخ کو ڈی آئی جی ٹیکنیکل اینڈ ٹرانسپورٹ مقرر کیا گیا انہیں جبکہ ڈی آئی جی ٹریننگ سندھ کا اضافی چارج بھی دے دیا گیا۔

آفتاب پٹھان کو ایڈیشنل آئی جی پی کرائم برانچ کا مقرر کیا گیا ہے۔

عمران یعقوب ڈی آئی جی ٹریفک لائسنس اینڈ ٹریننگ کراچی اور نواز شیخ ڈی آئی جی سیکیورٹی کراچی تعینات کردیے گئے ہیں۔

مذکورہ بالا تمام تقرریوں اور تبادلوں کا نوٹیفیکیشن جاری کردیا گیا ہے۔

 

Check Also

یوم عاشور پر شہر قائد میں موٹرسائیکل کی ڈبل سواری پر پابندی عائد

یوم عاشور پر شہر قائد میں موٹرسائیکل کی ڈبل سواری پر پابندی عائد

یوم عاشور کے سلسلے میں شہر قائد میں موٹرسائیکل کی ڈبل سواری پر پابندی عائد …

Translate »