Home / Sports / عمران خان نے اس سے قبل کبھی5صفر سے میچ نہیں جیتا تھا

عمران خان نے اس سے قبل کبھی5صفر سے میچ نہیں جیتا تھا

کراچی : تحریک انصاف کے چیئرمین عمران خان کو کبھی کرکٹ کے میدان میں 0-5 نہیں ملا لیکن عدالت میں مل گیا، عمران خان کبھی کوئی سیریز 0- 5 سے نہیں جیتے تھے، عدالت سے ان کے حق میں 0-5 سے فیصلہ آگیا۔

تفصیلات کے مطابق پاکستان ٹیم کے سابق کپتان عمران خان کرکٹ کے میدانوں میں پانچ صفر سے کبھی نہیں جیتے لیکن پانامہ کیس میں انہیں ججوں نے پانچ صفر کا کلین سوئپ دے دیا۔
عمران خان کی ان سوئنگ کرکٹ کی مہلک ترین ڈلیوری کہلاتی تھی، انہوں نے اپنی اس تیکنیک سے کئی بیٹسمینوں کو کلین بولڈ کیا، عمران خان نے پاکستان کو ورلڈ کپ جتوایا، سپریم کورٹ میں وہ پھر جیت گئے۔
شدید مخالفت کے باوجود عمران خان نے بین الاقوامی کرکٹ میں نیوٹرل امپائرز متعارف کروائے، اس کے علاوہ بھارت کو پہلی بار بھارت میں اور انگلینڈ کو پہلی بار انگلینڈ میں ٹیسٹ سیریز ہرانے کا اعزاز بھی عمران خان کی قیادت میں ملا لیکن اس سب کے باوجود عمران خان کبھی پانچ صفر سے نہیں جیتے تھے۔
عمران خان کو پانچ صفر کا کلین سوئپ سپریم کورٹ کے پانچ رکنی بنچ نے دیا، پہلے میچ کے بعد اسکور ان کے خلاف تین دو تھا، عمران نے کرکٹ میں اپنے وارث بھی تیار کئے جن میں وسیم اکرام اور وقار یونس شامل ہیں۔
دوسری جانب سابق وزیر اعظم نواز شریف کے وارث ان کے خاندان میں ہی ہیں لیکن عدالت نے آج ان کی قسمت پر بھی مہر لگادی۔

 

Check Also

کرس گیل کی انگلینڈ کے خلاف شیڈول تیسرے ایک روزہ بین الاقوامی کرکٹ میچ میں شرکت مشکوک

کرس گیل کی انگلینڈ کے خلاف شیڈول تیسرے ایک روزہ بین الاقوامی کرکٹ میچ میں شرکت مشکوک

لندن: جارح مزاج ویسٹ انڈین اوپننگ بیٹسمین کرس گیل کی فٹنس مسائل کے باعث انگلینڈ …

Translate »