Connect with:

"خبر کی دوڑ میں سب سے آگے"

Translate:
Thursday / August 17, 2017 12:40 PM
HomeInternationalعرب ممالک نے متعدد قطری تنظیموں کو بلیک لسٹ کردیا

عرب ممالک نے متعدد قطری تنظیموں کو بلیک لسٹ کردیا

عرب ممالک نے متعدد قطری تنظیموں کو بلیک لسٹ کردیا

ریاض : سعودی عرب اور خلیجی ممالک نے یمن، قطر اور لیبیا سے تعلق رکھنے والے افراد اور تنظیموں کو دہشت گردوں سے تعلق کے شبے میں بلیک لسٹ کردیا ہے ۔

قطر اور خلیجی ممالک کے درمیان کشیدگی کم ہونے کا نام نہیں لے رہی، سعودی عرب سمیت خلیجی ممالک نے یمن، قطر اور لیبیا سے تعلق رکھنے والے فلاحی اداروں اور کارکنوں کو شدت پسندوں کے ساتھ مشتبہ تعلقات پر دہشت گرد قرار دیتے ہوئے بلیک لسٹ کردیا ہے۔
مشترکہ بیان میں نو فلاحی اداروں اور نو دیگر افراد کو قطرکے ساتھ بلاواسطہ یا بالواسطہ تعلق رکھنے کے الزام میں دہشت گرد قرار دیا گیا۔
بیان میں مزید کہا گیا کہ یمن کی تین اورلیبیا کی چھ تنظیموں پر القاعدہ اور شامی گروہ کے ساتھ تعلقات کا الزام ہے۔
دوسری جانب روس نے قطر بحران کے حل کے لیے ثالثی کی پیش کش کر دی، روسی وزیر خارجہ کا کہنا ہے اگر روس سے کہا جائے تو وہ عرب ممالک اور قطر کے درمیان ثالث بننے کے لیے تیار ہے۔
یاد رہے کہ قطر اور سعودی عرب سمیت خلیج تعاون کونسل کے رکن ممالک میں تنازع کے حل کے لیے کوششوں میں مصروف طیب ردوگان نے اپنے 2 روزہ دورے کے دوران سعودی فرمانروا شاہ عبداللہ اور کویت کے امیر سے ملاقات کیں اور خلیجی ممالک کے تنازعہ کی حل پر بات چیت کی۔
واضح رہے کہ قطر کے ساتھ سعودی عرب سمیت 7 عرب ممالک نے سفارتی تعلقات ختم کردیئے تھے اور قطر پر دہشت گردوں کی حمایت کا الزام عائد کرتے ہوئے قطر پر اپنی زمینی، فضائی اور سمندری سرحدوں کو بند کردیا تھا۔

 

Share

No comments

Sorry, the comment form is closed at this time.