Connect with:

"خبر کی دوڑ میں سب سے آگے"

Translate:
Sunday / July 23, 2017 3:37 PM
HomeInternationalسعودی شہزادے عبدالرحمان بن عبدالعزیز انتقال کرگئے

سعودی شہزادے عبدالرحمان بن عبدالعزیز انتقال کرگئے

جدہ: سابق نائب وزیر دفاع اور ایوی ایشن سعودی شہزادے عبدالرحمان بن عبدالعزیز 86 برس کی عمر میں انتقال کرگئے ہیں۔

غیر ملکی خبر ایجنسی کے مطابق سعودی شہزادے عبدالرحمان بن عبدالعزیز کی نماز جنازہ آج بعد نماز عشاء مسجدالحرام مکہ مکرمہ میں ادا کی جائے گی۔

سعودی شہزادے عبدالرحمان بن عبدالعزیز سعودی عرب کے موجودہ بادشاہ سلمان بن عبدالعزیز کے بھائی تھے۔

عبدالرحمان بن عبدالعزیز 1931 میں سعودی عرب کے شہر ریاض میں پیدا ہوئے تھے۔ سعودی شہزادے نے یونیورسٹی آف کیلیفورنیا سے آرٹس میں بیچلر کیا ہوا تھا، جبکہ کیلیفورنیا فوجی اکیڈمی سے گریجویشن کی ڈگری حاصل کی ہوئی تھی۔

عبدالرحمان بن عبدالعزیز 1970 کے وسط کے دوران شاہی خاندان کے معاملات کے مشیر تھے، جبکہ 1978 سے نومبر 5، 2011 تک وہ دفاعی ڈویژن اور ایوی ایشن کے طور پر فرائض انجام دیتے رہے۔

Share