Home / Entertainment / سب سے زیادہ معاوضہ لینے والے سیلیبرٹی ، ڈیڈی کومبز سر فہرست ، بالی ووڈ اداکار بھی شامل

سب سے زیادہ معاوضہ لینے والے سیلیبرٹی ، ڈیڈی کومبز سر فہرست ، بالی ووڈ اداکار بھی شامل

امریکی جریدے فوربز نے سب سے زیادہ کمانے والی سیلیبریٹیز کی فہرست جاری کر دی ہے ۔گریمی ایوارڈ جیتنے والے ریپر شون ‘ڈیڈی’ کومبز سرفہرست ہیں جبکہ بالی ووڈ کے دو خان بھی سب سے زیادہ کمائی کرنے والوں میں شامل ہیں۔

رواں سال 130 ملین ڈالرز کمانے والے ریپر گذشتہ سال اس فہرست میں 22 ویں نمبر پر تھے۔ مگر اس سال ان کا نمبر پہلا ہے۔ شون ڈیڈی نے حالیہ دورہ امریکہ ،ووڈکا کمپنی کے ساتھ معاہدے اوراپنی کپڑے بنانے والی کمپنی شون جان کا ایک تہائی حصہ فروخت کر کے یہ کمائی کی ہے۔ کومبز اپنی سب سے زیادہ بکنے والی البمز ’’نو وے آؤٹ‘‘ اور ’’فور ایور‘‘ کے حوالے سے پہچانے جاتے ہیں۔

سب سے زیادہ کمانے والی سیلیبریٹیز کی فہرست میں 105 ملین ڈالرز کے ساتھ دوسرے نمبر پر امریکی گلوکارہ بیونسے ہیں جو کسی تعارف کی محتاج نہیں ہیں۔ گزشتہ سال اس فہرست میں بیونسے کا نمبر 34واں تھا ۔

تیسرے نمبر پر 95 ملین ڈالرز کے ساتھ شہر آفاق سیریز ہیری پوٹر کی مصنفہ مصنف جے کے راؤلنگ ہیں جس کی وجہ ’’ہیری پوٹر اینڈ دا کرسڈ چائلڈ ‘‘ ہے۔

فٹبالرکرسچیانو رونالڈو 93 ملین ڈالرز کے ساتھ رواں سال چوتھی سے بانچویں پوزیشن پر موجود ہیں۔ فٹ بال کے علاوہ رونالڈو کا ذریعہ آمدنی ان کی جینز کمپنی ہے۔ اس کے علاوہ معروف برانڈ نائیکی کی طرف سے لائف ٹائم ڈیل سے بھی رونالڈو کی آمدنی میں خاطر خواہ اضافہ ہوا۔

فہرست میں 59 ویں نمبرپرپہلی بار شامل ہونے والی 19 سال کی کائلی جینر ہیں جو سب سے کم عمر سیلیبرٹی ہیں۔کائلی جینر نے فیملی ریئلٹی شو ’’کیپنگ اپ ود دا کارڈیشیئنز‘‘ کے علاوہ اپنے نام سے کاسمیٹک کمپنی اور ملبوسات کے ذریعے یہ آمدنی حاصل کی۔ان کے اثاثے 41 ملین ڈالرز ہیں۔

بات یہیں ختم نہیں ہوتی بلکہ معروف سیلیبڑیٹیز میں بالی وڈ کے دو سپراسٹارز بھی شامل ہیں۔ آمدنی کے لحاظ سے شاہ رخ خان 38 ملین ڈالرز کے ساتھ 65 ویں اور سلمان خان 37 ملین ڈالرز کے ساتھ 71 ویں نمبر پر ہیں۔

اداکارہ اورگلوکارہ جینیفر لوپیز بھی 38 ملین ڈالرز کے ساتھ فہرست میں 65 ویں نمبر پر ہیں۔ جینیفر لوپیز ’’ورلڈ آف ڈانس ‘‘ نامی شو کی ایگزیکٹو پروڈیوسر ہونے کے علاوہ اس میں جج بھی ہیں جبکہ لاس ویگس میں مکان اور اشتہارات وغیرہ انکی آمدنی بڑھانے میں معاون ثابت ہوئے۔
فوربز کی سب سے زیادہ کمانے والی ایک سو سیلیبرٹیز کی فہرست میں میں 16 فیصد خواتین ہیں۔ فہرست میں شامل 50 فیصد افراد کا تعلق میوزک سے ہے جبکہ دو ایتھلیٹس کرسچیانو رونالڈو اور باسکٹ بال کھلاڑی لے برون جیمز بھی اس میں شامل ہیں۔

Check Also

بالی وڈ اداکار امیتابھ بچن اور ان کی بہو ایشوریا پر پاناما پیپرز کا کیس عائدکیس

بالی وڈ اداکار امیتابھ بچن اور ان کی بہو ایشوریا پر پاناما پیپرز کا کیس عائدکیس

ممبئی: پاناما پیپرز معاملے میں بالی وڈ اداکار امیتابھ بچن اور ان کی بہو ایشوریا …

Translate »