Breaking News
Home / Pakistan / رحمتوں،توبہ واستغفار کا افضل ترین دن جمعتہ الوداع اور یوم القدس آج منایا جارہا ہے

رحمتوں،توبہ واستغفار کا افضل ترین دن جمعتہ الوداع اور یوم القدس آج منایا جارہا ہے

کراچی : رمضان المبارک اپنے اختتام کے قریب پہنچ گیا ہے، آج دنیا بھر کے مسلمان رمضان المبا رک کے آخری جمعہ کو جمعۃ الوداع اور یوم القدس کے طور پر مناتے ہیں، اس دن کی فضیلت و رحمتیں کسی سے پو شیدہ نہیں۔

ایام اور مہینوں کے فضائل و مراتب میں رمضان الکریم کا آخری جمعہ ة المبارک برکتوں،رحمتوں،تو بہ و استغفار میں افضل ترین ہے جو فضلیت ہفتہ کے باقی دنوں کے مقابلے میں جمعہ کے دن کو حاصل ہے، وہی فضیلت سال بھر کے ایام کے مقابلے میں رمضان المبارک کے آخری جمعہ یعنی جمعۃ الوداع کو حاصل ہے۔

دنیا بھر کے مسلمان یہ دن انتہائی عقیدت و احترام سے مناتے ہیں،اِس دن کی فضیلت و اہمیت کو رب تعالی نے قرآن مجید فرقان حمید کے سورة الجمعہ کے نام سے نازل کرکے اہل اسلام کے لئے رہتی دنیا تک مسلم کر دیا۔

ماہ مقدس رمضان المبارک کے آخری جمعتہ المبارک کو جمعتہ الوداع کے موقع پر مساجد میں جمعہ کے اجتماعات میں امت مسلمہ کے اتحاد اور خوشحالی کی دعائیں مانگی جائیں گی۔ جبکہ مظلوم فلسطینیوں کے حقوق کی جدوجہد میں ان سے اظہار یکجہتی اور اسرائیل کی مذمت کے لئے یوم القدس بھی عالمی سطح پر منایا جائے گا۔

مختلف سیاسی اور مذہبی جماعتوں نے اس بارمشترکہ یوم القدس منانے کا اعلان کیا ہے، ملی یکجہتی کونسل کی رکن جماعتیں اسلامی تحریک، مجلس وحدت مسلمین، جماعت اسلامی، جمعیت علما پاکستان اور دیگر جماعتیں بھی القد س ریلیوںمیں شامل ہوں گی۔ د

وسری جانب امامیہ اسٹوڈنٹس آر گنائزیشن اور جعفریہ اسٹوڈنٹس آر گنائزیشن بھی ریلیاں نکالیں گی، جس میں اسرائیل کی ناجائز ریاست کے قبضہ سے قبلہ اول بیت المقدس کی آزادی کے لئے قراردادیں پاس کی جائیں گی ۔

Check Also

پاک افغان سرحد پر افغان علاقے سے کی جانے والی فائرنگ سے لیفٹننٹ ارسلام عالم شہید

پاک افغان سرحد پر افغان علاقے سے کی جانے والی فائرنگ سے لیفٹننٹ ارسلام عالم شہید

راول پنڈی/ باڑہ : پاک افغان سرحد پر افغان علاقے سے کی جانے والی فائرنگ …

Translate »