Home / International / ترکی نے3ہزار فوجی جلد از جلد قطر بھیجنے کی تیاری پکڑلی

ترکی نے3ہزار فوجی جلد از جلد قطر بھیجنے کی تیاری پکڑلی

استنبول: سعودی عرب اور خلیجی ممالک کی جانب سے قطر کے ساتھ تعلقات منقطع کرنے کے بعد ترکی نے قطر میں موجود ائر بیس پر اپنے  3ہزار فوجی جلد از جلد  تعینات کرنے کی تیاری پکڑ لی ہے اس حوالے سے پارلیمنٹ سے منظوری کے لئے بل کا مسودہ تیار کر لیا گیا ہے جسے آج ترک پارلیمان میں پیش کیا جانے کا امکان ہے۔یہاں یہ بات بھی قابل ذکر ہے کہ ترکی اور قطر میں فوجی تعاون سے متعلق یہ معاہدہ پرانا ہے لیکن اس پر خطے کے بدلتے ہوئے حالات کو دیکھتے ہوئے ہنگامی بنیادوں پر عمل درآمد کیے جانے کے امکانات  ہیں۔

غیرملکی خبررساں ادارے رائٹرز کے مطابق ترک ماہرین قانون نے پارلیمان میں ایک نیا بل پیش کرنے کی تیاری کر لی ہے جس کے تحت ترکی اپنے فوجیوں کو قطر ائر بیس پر تعینات کرے گا۔ترک حکام کے مطابق یہ فیصلہ خلیجی ریاست کی تنہائی دور کرنے اور اس کی حمایت کے لئے کیا گیا ہے۔ترک قانون ساز نے دو بلوں کے مسودے تیار کئے ہیں جن کے تحت قطر اور ترکی کے درمیان فوجی تعاون بڑھانے اور قطر میں موجود ترک ائر بیس پر مزید فوجی تعینات کرنے کی راہ ہموار کی جائے گی۔

قطر سعودی عرب سے بہتر تعلقات کے لئے دہشت گردوں کی پشت پناہی بند کرے: سعودی عرب
واضح رہے کہ ترک اور قطر حکومت مصر اور شام میں سیاسی جدوجہد کرنے والی جماعت اخوان المسلمون کے حامی ہیں ۔مشرق وسطیٰ کے ممالک کی جانب سے قطر کے ساتھ تعلقات منقطع کرنے پر طیب اردگان کا کہنا تھا کہ قطر کو سفارتی طور پر تنہا کرنا کسی مسئلے کا حل نہیں ہے بلکہ یہ مسائل کو مزید بڑھاوا دے گا۔

Check Also

جاپان کے وزیراعظم شنزو ایبے نے پارلیمنٹ کو تحلیل کرڈالا

جاپان کے وزیراعظم شنزو ایبے نے پارلیمنٹ کو تحلیل کرڈالا

ٹوکیو:جاپان کے وزیراعظم شنزو ایبے نے پارلیمنٹ کو تحلیل کردیا جس کے بعد ملک میں …

Translate »