Home / International / برطانوی انتخابات پاکستانی امیدواروں نے میدان مارلیا

برطانوی انتخابات پاکستانی امیدواروں نے میدان مارلیا

لندن : برطانوی انتخابات میں پاکستانی نژاد امیدواروں نے بڑھ چڑھ کر حصہ لیا، ان میں سے کئی امیدواروں نے میدان مار لیا۔

تفصیلات کے مطابق برطانیہ میں نہ صرف پاکستانیوں کی ایک بہت بڑی تعداد بستی ہے بلکہ وہ برطانوی معیشت اور سیاست میں اہم کردار بھی ادا کر رہے ہیں، برطانوی انتخابات میں پاکستانی نژاد امیدواروں نے بڑھ چڑھ کر حصہ لیا اور کامیابی بھی حاصل کی۔

لیبرپارٹی کے ٹکٹ پر لڑنے والے بیشتر پاکستانی نژاد امیدواروں نے فتح حاصل کی۔

شبانہ محمود

سابق رکن اسمبلی شبانہ محمود نے برمنگھم لیڈی ود سے اہم نشست جیتی۔

یاسمین قریشی اور افضل خان

یاسمین قریشی نے بولٹن سے اور افضل خان نے مانچسٹر گورٹن سے کامیابی حاصل کی ۔

خالد محمود

پاکستانی نژاد خالد محمود برمنگھم سے کامیاب ہوئے۔

ناز شاہ

سابق ایم پی ناز شاہ نے بریڈفورڈ ویسٹ سے نشست جیتی۔

نازشاہ بریڈ فورڈ مینٹل ہیلتھ کی وائس چیئر اور ذہنی معذوروں کے حقوق کی وکالت کرتی ہیں، ناز شاہ تین بچوں کی سنگل ماں ہیں جبکہ انتخابی مہم کے دوران ناز شاہ کو لیبر کے اہم سیاستدانوں کی حمایت بھی حاصل رہی ہے۔

نصرت غنی

کنزرویٹو پارٹی سے نصرت غنی ویلڈن سے نشست حاصل کرنے میں کامیا ب رہیں۔

نصرت غنی ایک عرصے سے ٹوری جماعت کے ساتھ ہیں، وہ اپنے خاندان کی واحد خاتون ہیں جنھوں نے لیڈز یونیورسٹی سے بین الاقوامی تعلقات میں ماسٹر کی ڈگری حاصل کی ہے۔

نصرت غنی برمنگھم سے پچھلے انتخابات میں بھی حصہ لے چکی ہیں جبکہ نشریاتی ادارے بی بی سی کے ساتھ بھی کام کرچکی ہے۔

روزینہ خان

لیبر کی ہی روزینہ خان نے ٹوٹنگ سے نشست جیتی۔

دو بچوں کی ماں روزینہ ایلن خان خود جونیئر ڈاکٹر ہیں، انکے والد پاکستانی جب کہ ان کی والدہ پولش ہیں،روزینہ کے والد ٹی وی مکینک اور والدہ پیٹرول اسٹیشن میں ملازمت کرتی تھیں

محمد یاسین

محمد یاسین بیڈفورڈ کیمپٹن سے اپنی نشست پر کامیاب قرار پائے۔

ساجد جاوید

کنزرویٹو پارٹی کے ٹکٹ پر کامیاب پاکستان امیدواروں میں ساجد جاوید نے برومز گروو سے کامیابی حاصل کی۔

رحمان چشتی

رحمان چشتی نے گیلنگھم سے کامیابی حاصل کی۔

Check Also

جاپان کے وزیراعظم شنزو ایبے نے پارلیمنٹ کو تحلیل کرڈالا

جاپان کے وزیراعظم شنزو ایبے نے پارلیمنٹ کو تحلیل کرڈالا

ٹوکیو:جاپان کے وزیراعظم شنزو ایبے نے پارلیمنٹ کو تحلیل کردیا جس کے بعد ملک میں …

Translate »