Connect with:

"خبر کی دوڑ میں سب سے آگے"

Translate:
Wednesday / August 16, 2017 10:27 PM
HomePakistanالیکشن کمیشن نے آئندہ سال کیلئے ساڑھے8 ارب روپے کا بجٹ مانگ لیا

الیکشن کمیشن نے آئندہ سال کیلئے ساڑھے8 ارب روپے کا بجٹ مانگ لیا

Yaqoob

!الیکشن کمیشن نے آئندہ سال کیلئے ساڑھے8 ارب روپے کا بجٹ مانگ لیا

اسلام آباد : الیکشن کمیشن نے آئندہ سال کیلئے ساڑھے آٹھ ارب روپے کا بجٹ مانگ لیا، الیکشن کمیشن انتخابی سامان کی اسٹوریج کیلئے انیس وئیر ہاوس بنائے گا، پلاننگ کمیٹی کے اجلاس میں انتخابی تیاریوں سمیت اہم امور زیر غور آئے۔

تفصیلات کے مطابق الیکشن کمیشن کے پلاننگ کمیٹی کے اجلاس کے بعد سیکرٹری الیکشن کمیشن بابر یعقوب بے میڈیا سے گفتگو کرتے ہوئے کہا کہ سروے کے مطابق زیادہ تر عمارتیں جہاں پولنگ اسٹیشن بنائے جاتے ہیں، وہ مخدوش حالت میں ہیں، اس مسئلہ پر صوبوں کو خط لکهیں گے۔

سیکرٹری الیکشن کمیشن نے کہا کہ پولنگ عملہ کو اب یومیہ 450 کی بجائے 2000 روپے دیں گے، صوبائی الیکشن کمیشن دفاتر کو نادرا کے سسٹم کے ساته منسلک کیا جارہا ہے۔

بابر یعقوب نے بتایا کہ اگلے سال کے لیے ساڑھے آٹھ ارب کا بجٹ مانگا ہے، انتخابات 2018 کے لیے 5 ارب بجٹ کی ضرورت ہے، ستر ہزار پولنگ اسٹیشنز کو گوگل میپ پر لے آئے ہیں، الیکشن کمیشن اسٹوریج کے لیے 19 وئیر ہاوس بنا چکا ہے، ستمبر تک 19وئیر ہاوس مکمل کرلیں گے۔

انھوں نے مزید کہا کہ انتخابی اصلاحات کے مسئلہ پر 100 سے زیادہ اجلاس ہوئے ، پانچ لاکھ چهیاسی ہزار پولنگ عملہ کی ٹریننگ الیکشن بل منظور ہونے کے بعد شروع کریں گے، عام انتخابات کیلئے ڈسٹرکٹ ریٹرننگ افسر اور پریزائڈنگ آفیسر عدلیہ سے لینے کی تجویز بھی زیرِغور ہے۔

Share

No comments

Sorry, the comment form is closed at this time.